ბარცანა

20:31, 12 სექტემბერი 2020-ის ვერსია

ბარცანა, ღვთისმშობლის ეკლესია - VIII-IX საუკუნეები ჩახაზული ჯვრის ტიპის ორბოძიანი გუმბათიანი ეკლესია კახეთში, ყვარლის რაიონში, სოფ. შილდიდან 4-5 კილომეტრის მანძილზე.

ეკლესია ძლიერ დანგრეულია. მისი აგების შესახებ ცნობები არა გვაქეს, დათარიღებულია ხუროთმოძღვრული მონაცემების მიხედვით. იხსენიება XIV-XVI საუკუნეების საბუთებში (ზოგჯერ, როგორც ვარცანის მონასტერი). დაინგრა, როგორც ჩანს, XVI საუკუნის შემდეგ. შერჩენილი იყო მხატვრობის ფრაგმენტები (გამოთქმული იყო მოსაზრება, რომ პირველი ფენა მხატვრობისა X-XI საუკუნეებისა იყო, მეორე - XVI საუკუნისა).

ეკლესიის ზომები გარედან: დაახლოებით 12,3 x 13,8 მ., სავარაუდო სიმაღლე შიგნით – 14 მეტრამდე Apx. Kax., გვ. 349-354, ტაბ. 260-269.

1970-იან წლებში ეკლესია გამაგრებულ-შეკეთებულ იქნა.

წყარო

• ბერიძე ვ. ქართული ხუროთმოძღვრების ისტორია.-ტ.2: