აბისთა

მიმდინარე ცვლილება 00:42, 2 თებერვალი 2021 მდგომარეობით

აბისთა (აბჷსთა) — ღომისღომი (მარცვალი) // ახუძ(ახჷძ). ღომის ღომისა და სიმინდის ფქვილისაგან ადუღებულ წყალში მოხარშული მკვრივი, უმარილო ფაფა. აფხაზებს თავიდანვე პურის მაგივრობას უწევდა. ყოველდღიურად ცხოვრებაში უახლოეს წარსულამდე, როგორც ქალაქის, ასევე სოფლის მოსახლეობის ყოველდღიური საკვები. მას მთავარი ადგილი ეკავა. ძველად მკვრივი ფეტვის ღომის აღსანიშნავად ჩრდილო-დასავლეთ კავკასიის ხალხებში (აბაზებში, ადიღელებში, ყაბარდოელებსა და უბიხებში) ბასთა // პასთა იხმარებოდა. ლინგვისტების ვარაუდით, სიტყვა ბასთა> ბჷსთა >აბჷსთა უნდა მოდიოდეს ბერძნულ-იტალიური პასტასაგან ჯერ ჩერქეზულში და შემდეგ აფხაზურ აბაზურში. ლინგვისტებივე ვარაუდობენ, რომ ჩერქეზულში პასთა თერგის რუსებისაგან უნდა გავრცელებულიყო, ხოლო აფხაზურში ჩერქეზულიდანაა ნასესხები.

[რედაქტირება] წყარო

აფხაზურ-ქართულ ეთნოგრაფიულ ტერმინთა განმარტებითი ლექსიკონი