კაშპერლე
NPLG Wiki Dictionaries გვერდიდან
(სხვაობა ვერსიებს შორის)
14:07, 1 დეკემბერი 2021-ის ვერსია
კაშპერლე, კაშპერლი – (გერმ. Kasperl, Kasper), კომიკური გმირი ავსტრიულ და გერმანულ თოჯინების თეატრში. კაშპერლეს იერსახე გაჩნდა XVIII საუკუნის ბოლოს ჯერ ავსტრიაში (ვენა), შემდეგ კი გერმანიაში. სხვადასხვა კუთხეში მას თავისებური დამახასიათებელი ნიშანთვისებები ჰქონდა. კაშპერლე ზოგჯერ გლეხი იყო, რომელიც საარსებო წყაროს მოსაპოვებლად უბოროტო ეშმაკობას იყენებდა. ზოგჯერ გაიძვერა იყო და დიდი თანამდებობისთვის იღვწოდა. კაშპერლეს მონაწილეობით დადგმული წარმოდგენები ხანდახან მწვავე პამფლეტის ხასიათს ღებულობდა. კაშპერლე მონაწილეობს მარიონეტებისა და პეტრუშკების წარმოდგენებში. XX საუკ. სახელწოდება – „კაშპერლეს თეატრი“ დაერქვა ხელით სათამაშო თოჯინების (ე. წ. პეტრუშკების) თეატრს.
