ირემა სოკო

მიმდინარე ცვლილება 19:36, 15 მარტი 2022 მდგომარეობით

ირემა სოკო (ლათ.Sarcodon Imbricatus (Fr.) Kras. რუს. Ежовик черепитчатый)

ქუდი – ბრტყელია, შუაში კი – ჩაღრმავებული; კიდეები შეკეცილია, 4-20 სმ დიამეტრისა და ზედაპირი დაფარულია სქელი, წაწვეტილი, კონცენტრიულად განწყობილი მუქყავისფერი ქერცლებით. ჰიმენიალური (ეკლების) ფეხის მიმართ დაღმავალია; ნაცრისფერია.

ფეხი – 2-8 სმ სიგრძისაა და 1-2 სმ სისქისა; ცილინდრული, ქუდისაკენ თეთრი, ძირისკენ ყავისფერი.

რბილობი – მკვრივია, მოთეთრო, გადატეხისას წითლდება.

სპორები – სფეროსებრია, 5-6 მკმ დიამეტრისა, ზედაპირი ხორკლიანი მუქი ყავისფერია.

იზრდება ნიადაგზე ნაძვნარებში, ფიჭვნარებსა და შერეულ ტყეში ზაფხულ-შემოდგომით. გამოიყენება საჭმელად ნორჩობაში, ახალი.

[რედაქტირება] წყარო

საქართველოს სოკოები