მებუკე დავით
NPLG Wiki Dictionaries გვერდიდან
(სხვაობა ვერსიებს შორის)
მ (მომხმარებელმა Tkenchoshvili გვერდი „მებუკე დავით (ცვარ-ნამი)“ გადაიტანა გვერდზე „მებუკე დავით“ გად...) |
მ (მომხმარებელმა Tkenchoshvili გვერდი „დავით მებუკე (ცვარ-ნამი)“ გადაიტანა გვერდზე „მებუკე დავით“ გად...) |
| (ერთი მომხმარებლის 3 შუალედური ვერსიები არ არის ნაჩვენები.) | |
მიმდინარე ცვლილება 16:05, 28 მარტი 2022 მდგომარეობით
მებუკე დავით — (1892 − 1961), პოეტი. 1910-იანი წლებიდან აქვეყნებდა ლექსებს. მისი ფსევდონიმი იყო „ცვარ-ნამი”. პოეტის ლექსები იბეჭდებოდა გაზეთებში“ - „კოლხიდა“, „სახალხო ფურცელი“, „იმერეთი“, „ჩანგი“, ჟურნალში „თეატრი და ცხოვრება“ და სხვა.
- * * *
- ტურფავ! გვედრი, ხელს ნუ ახლებ
- მივიწყებულ ჩანგის სიმებს,
- ნურც მიმღერი სიყვარულის
- კაეშნიან, დამწველ ჰიმნებს.
- უძლურია ხმები იგი,
- უძლურია სიმთა კვნესა,
- ვერ ვენდობი შემოდგომის
- უსიცოცხლო მზიან დღესა.
- დაკრავს სუსხი, დაბერს სიო,
- მთებზე ნისლი ჩამოწვება,
- ქარიშხალი ქვითინს მორთავს,
- მზეც შავ ღრუბელს ქვეშ მოყვება.
- დამჭკნარ ფოთოლს ხეს შეაცლის
- სევდით სავსე ცივი ქარი,
- მწარ-ზუზუნით შორს გასტყორცნის,
- დამწუხრდება მთა და ბარი...
- ვაი, შენი სიყვარული
- იმ მჭკნარ ფოთოლს თან გაჰყვება,
- და უკვალოთ, მასთან ერთად
- სამუდამოთ დაინთქმება...
- ნუ, ნუ ტურფავ, ხელს ნუ ახლებ
- მივიწყებულ ჩანგის სიმებს,
- ნურც მიმღერი სიყვარულის
- კაეშნიან, დამწველ ჰიმნებს.
