ნებიერიძე მურად

14:57, 6 აპრილი 2022-ის ვერსია

ნებიერიძე მურად − (1951), პოეტი. დაიბადა სოფელ შრომაში (ლაგოდეხი). 1976 წელს დაამთავრა თსუ-ს ჟურნალისტიკის ფაკულტეტი. გამოცემული აქვს კრებულები: „ქვიშის ღრუბელი” (1986), „სინათლის ლოდი” (1992), „მამაკაცური უდაბნოს მზე” (2006).

კოსმიური იდუმალება

ნათლის უჩინარ სამყაროდან გადმოხრილი

კოსმიური იდუმალება,

მოთმინებით სიმშვიდეს მაჩვევს.

ნისლიდან ნელა იკვეთება

პლანეტების თბილი ჩრდილები

და გარეგნულად მე გულგრილი,

ვიმეორებ ნაცნობ საგნებს

და ყოველდღიურ ოცნებებთან

ყიალს ვუნდები...

ცხოვრებისეულ წვრილმანებზე

შემძრა წუხილმა, როცა ბუნება

ქაოტური წესრიგით შფოთავს,

მკაცრი დუმილით მხრებზე მეყრდნობა

და საყრდენი ბუნების მე ვარ,

დიდგულა და სრულყოფილი არსება მიწის.

წყარო

ქართველი პოეტები (ენციკლოპედია)