ფხოველი ვაჟიკა

13:13, 27 აპრილი 2022-ის ვერსია

ვაჟიკა ფხოველი

ფხოველი ვაჟიკა − (1921 − 1945), პოეტი. ნამდვილი სახელი და გვარი – დიმიტრი ცალხელიშვილი. დაიბადა სოფელ საყდრიონში (თიანეთი). არმიაში გაიწვიეს 1941 წელს. იბრძოდა რიგით ჯარისკაცად. დაიღუპა 1945 წელს ბერლინის მისადგომებთან. ვაჟიკა ფხოველის ლექსები არმიაში მის წასვლამდე და ომის პირველ თვეებში იბეჭდებოდა ჟურნალებში „ჩვენს თაობაში“, „პიონერში“, გაზეთებში „კომუნისტში“, „ნორჩ ლენინელში“.

დილა

დღემ ფხოვეთში ბნელი დასცა,

ამ გულივით ცაა სუფთა.

მზე ქალივით მოიტაცა

და შიგ მკერდში ჩაიხუტა.

მზე, ხმელეთის ფალავანი,

ბნელს დაეცა თავზე მეხად.

ბახტრიონის გალავანი

თენებისას გადმოტეხა.

შემოვიდა, როგორც გმირი,

შემოაღო კარი ფრთხილად

და მთებში ომგადახდილი

არაგვს გაჰყვა ბარში დილა.

წყარო

ქართველი პოეტები (ენციკლოპედია)