ჯავახიშვილი მადონა

15:47, 2 მაისი 2022-ის ვერსია

ჯავახიშვილი მადონა − (1972), პოეტი. დაიბადა თბილისში. არის ერთი პოეტური კრებულის ავტორი. ბოლო 14 წელია ცხოვრობს და მუშაობს ათენში.

* * *

ზოგჯერ თასში ჩამოსხმული ღვინო ვარ,

ზოგჯერ − ლექსში დაკარგული სტრიქონი.

სიმღერა ვარ, იქნებ მხატვრის ტილო ვარ,

თუ მომძებნი უსათუოდ მი პოვნი.

ხან სიო ვარ, მზიანი დღის საამოდ

მონაქროლი მწვანე მთების კორდიდან.

იქნებ წვიმის წვეთად გადავიქეცი

და ღრუბელმა გადმომღვარა კოკიდან.

ხან ჩიტი ვარ, მოჭიკიჭიკე ბეღურა,

ანდა თევზი, მოცურავე წყლის ფსკერზე.

იქნებ ველზე ამოსული ია ვარ,

ან ვარსკვლავი, მიკერილი ცის მკერდზე.

უსასრულოდ გადაშლილი ლურჯი ზღვა,

ტალღის ქაფზე ჩამომჯდარი თოლია.

მე ყველგან ვარ, სადაც არ მელოდები.

მე იქა ვარ, სადაც შენ არ გგონია.

ხან მაისად მოვალ, ვარდებს მოგიტან.

დეკემბერში გზას მოგიფენ ფიფქებით.

არასოდეს მიგატოვებ, გახსოვდეს,

თუ მინატრებ, მეც შენს გვერდით ვიქნები.