დისთენი

12:53, 2 ივნისი 2022-ის ვერსია

დისთენი (კიანიტი, ძველად ციანიტი) − (ბერძ. dís ორჯერ და sthénos ძალა), ცეცხლგამძლე მინერალი, ალუმინის სილიკატი; არის ლურჯი, ყვითელი, მწვანე, იისფერი, უფერო ან მოშავო. ფერი დამოკიდებულია რკინის, მარგანეცის, ტიტანის, ქრომის შემცველობაზე. ბუნებაში გვხვდება გამჭვირვალე კრისტალების სახით. აქვს სრულყოფილი ტკეჩვადობა. ანდალუზიტთან და სილიმანიტთან ერთად გამოიყენება ფაიფურისა და სხვადასხვა ცეცხლგამძლე ნაკეთობების დასამზადებლად.

წყარო

სამშენებლო ენციკლოპედიური ლექსიკონი