იტალია

მიმდინარე ცვლილება 11:58, 29 ივლისი 2022 მდგომარეობით

იტალიის დროშა

იტალია (Italia – იტალიის რესპუბლიკა) – სახელმწიფო სამხრეთ ევროპაში, ხმელთაშუა ზღვის ცენტრალურ ნაწილში, აპენინის ნახევარკუნძულზე, კუნძულებით სიცილია და სარდინია. დასავლეთით ესაზღვრება ტირენის, აღმოსავლეთით – ადრიატიკის ზღვა.

ფართობი – 301,2 ათ. კმ².

მოსახლეობა – 60,4 მლნ. კაცი (2012).

ოფიციალური ენა – იტალიური.

დედაქალაქი – ქ. რომი.

ადმინისტრაციულად იყოფა 20 ოლქად.

სახელმწიფოს მეთაურია პრეზიდენტი, საკანონმდებლო ორგანოა ორპალატიანი პარლამენტი, აღმასრულებელი – მთავრობა.

იტალია ნატოს წევრი ქვეყანაა. განვითარებული ინდუსტრიულ-აგრარული ქვეყანა. შიდა ეროვნული პროდუქტის მოცულობით ის მსოფლიოს მოწინავე ქვეყნების რიგშია.

[რედაქტირება] მრეწველობა

მრეწველობის ყველაზე განვითარებული დარგებია:მანქანათმშენებლობა (ავტომობილები, გემები, ელექტროტექნიკური აღჭურვილობა, დაზგები, რადიო-ელექტრონული, ზუსტი ხელსაწყოები), შავი და ფერადი მეტალურგია, ნავთობგადასამუშავებელი, ქიმიური და ნავთობქიმიური, საფეიქრო, კვების პროდუქტების წარმოება.

შექმნილია ატომური მრეწველობის სამეცნიერო-ტექნიკური და სამრეწველო ბაზა. სამხედრო მრეწველობა უშვებს თვითმფრინავებს, საზენიტო და ტანკსაწინააღმდეგო სარაკეტო სისტემებს, ტანკებს, ჯავშანმანქანებს, საბრძოლო მასალას, ცეცხლსასროლ იარაღს, ყველა კლასის ხომალდს.

[რედაქტირება] ძირითადი საზღვაო პორტები

ძირითადი საზღვაო პორტებია: გენუა, ლივორნო, ნეაპოლი, ტრიესტი, ვენეცია, აუგუსტა, პიომბინო.

[რედაქტირება] საერთაშორისო აეროპორტები

საერთაშორისო აეროპორტებია: ფიუმიჩინო (რომი), მილანი.

[რედაქტირება] შეიარაღებული ძალები

შეიარაღებული ძალები საერთო შემადგენლობით 184,6 ათ. კაცი (2012) სახმელეთო ჯარები 107 ათ. სამხედრო-საზღვაო 34,7 ათ და სამხედრო-საჰაერო ძალები 43 ათ.. რეზერვი 42 ათ. კაცი. შეიარაღებული ძალების დაკომპლექტება ხორციელდება საყოველთაო სამხედრო ვალდებულების კანონის საფუძველზე და მოხალისეების დაქირავებით.

[რედაქტირება] წყარო

ქართული სამხედრო ენციკლოპედიური ლექსიკონი