აცეტილენი

მიმდინარე ცვლილება 23:24, 28 ნოემბერი 2022 მდგომარეობით

აცეტილენი − (ინგლ. Acetylene < ლათ. acet (um) ძმარი და ინგლ. ethylene ეთილენი), ნახშირ-წყალბადით (C₂H₂) გაჯერებული უფერო შხამიანი აირი უსიამოვნო სუნით. დუღილის ტემპერატურა – 83,8°C. შეკუმშვისას ფეთქდება. ინახავენ აირბალონებში, რომელიც ავსებულია დიატომური მიწით (კიზელგურით) ან გააქტიურებული ნახშირით. სიმკვრივე 1,171 კგ/მ³. ჰაერთან ნარევში (2,3-80,7% მოცულობის მიხედვით) ფეთქებადსაშიშია. ნორმალურ პირობებში ჰაერზე მსუბუქია, ცუდად იხსნება წყალში. აცეტილენი გამოიყენება: ლითონების საჭრელად და შესადუღებლად; ავტონომიურ სანათებში კაშკაშა, თეთრი შუქის მისაღებად, სადაც ის წარმოიქმნება კალციუმის კარბიდისა და წყლის შერევით (კარბიდის სანათური); ასაფეთქებელი ნივთიერებების მისაღებად (აცეტილენიდი); ძმრის მჟავას, ეთილის სპირტის, გამხსნელების, პლასტმასების, კაუჩუკის, სურნელოვანი ნახშირწყალბადების მისაღებად და სხვ.

[რედაქტირება] წყარო

სამშენებლო ენციკლოპედიური ლექსიკონი