ბუზონი ფერუჩო ბენვენუტო

17:41, 1 მაისი 2017-ის ვერსია

ბუზონი ფერუჩო ბენვენუტო

ბუზონი ფერუჩო ბენვენუტო - იტალ. Benvenuto Ferruccio Busoni (1. IV. 1866 ემპოლი, ფლორენციის მახლობლად, – 27. VII. 1924, – ბერლინი), იტალიელი პიანისტი, კომპოზიტორი, დირიჟორი, პედაგოგი.

დაიბადა მუსიკოსთა ოჯახში. 15 წლისა ბოლონიის ფილარმონიული აკადემიის წევრი გახდა, 1890-ა. რუბინშტეინის სახელობის I საერთაშორისო კონკურსის ლაურეატი (პეტერბურგი, პრემია კომპოზიციაში). მუშაობდა ჰელსინკის, მოსკოვის და ბერლინის (1920-იდან) კონსერვატორიებში. თავისი დროის ერთ-ერთი უდიდესი პიანისტია, რომელმაც დიდი გავლენა მოახდინა პიანისტური ხელოვნების განვითარებაზე. ბუზონის მთავარი ნაწარმოებებია: ოპერა „ტურანდოტი“ (1917), საფორტეპიანო კონცერტი (1908), კამერულ-ინსტრუმენტული ანსამბლები. პოპულარობა მოიპოვა. ი. ს. ბახისა და ფ. ლისტის ნაწარმოების ბუზონისეულმა ტრანსკრიფციებმა. თავის ესთეტიკურ ნაშრომებში წამოსწია ნეოკლასიციზმის პრინციპები.

1949-იდან ბოლცანოში (იტალია) ყოველწლიურად ტარდება ბუზონის სახელობის პიანისტთა საერთაშორისო კონკურსები.

წყარო

მუსიკის ენციკლოპედიური ლექსიკონი / [შემდგ.: ანზორ თამარაშვილი; მთ. რედ.: გულბათ ტორაძე]. [ახალციხე: თბილ. უნ-ტის მესხეთის ფილიალის გამ-ბა], 2005 (ა.ო. "პროგრესი")