წითელკუდა მექვიშია

12:39, 3 აპრილი 2023-ის ვერსია

წითელკუდა მექვიშია

წითელკუდა მექვიშია - წვრილი ძუძუმწოვარი. იერით ვირთაგვას წააგავს, მაგრამ ჩალისფერია და კუდის ბოლოზე მოყავისფრო-მოწითალო ფუნჯი აქვს. თუმცა, აღმოსავლეთ საქართველოში ის მიწის კურდღლის წინამორბედია და ძირითადად დაზიანებულ და გადაძოვილ ველებზე ბინადრობს.

ის საკმაოდ დიდი ზომის სოროებისაგან შემდგარ კოლონიებს ქმნის, რომელთა ქვეშაც დროთა განმავლობაში მიწა ქვემოთ იწევს ქარისეული ეროზიის გამო და ძლიერ ცვლის იმ ადგილების იერს. პირუტყვუს მიერ ძლიერ გადაძოვილ ადგილებში მან შეიძლება დახრამვასაც დაუდოს საფუძველი, ამიტომ ადამიანი ყურადღებით უნდა მოეკიდოს ამას და პრაქტიკიდან ამოიღოს საძოვრები უსისტემო ექსპლუატაცია, რადგან მომავალში იქ არც საძოვარი იქნება, არც ცხვარი, არც მექვიშია, ყველაფერი დაიხრამება და გაუვარგისდება.

საქართველოში სხვა სახეობის მექვიშიაც ბინადრობს. ესაა მცირეაზიული მექვიშია, რომელიც წითელკუდა მექვიშიასგან განსხვავებით, ფრიად მცირერიცხოვანია და გადაძოვისგან ქრება. ის ისეთოვე ფერისაა, როგორისაც წითელკუდა მექვიშია, მაგრამ კუდზე ფერადი ფუნჯი არა აქვს და საერთოდ არ ქმნის კოლონიებს, განმარტოებულად ცხოვრობს, წითელკუდა მექვიშიასაგან განსხვავებით ძალიან აგრესიულია თავისი სახეობის წარმომადგენლების მიმართ.

წყარო

აფთარი, გიურზა და სხვები.../ [რედ.: ირაკლი მაჭარაშვილი] - თბ., 2002 : შპს "სი-ჯი-ეს"-კალამუს გრაფიკის სტუდია - 158გვ.: ილ.; 23სმ