მიასკოვსკი ნიკოლოზ

14:33, 2 მაისი 2025-ის ვერსია

ნიკოლოზ მიასკოვსკი − (8. IV. 1881, ნოვოგეორგიევსკი, ახლანდელი მოდლინი, პოლონეთი _ 8. VIII. 1950, მოსკოვი), რუსი კომპოზიტორი. სსრკ სახალხო არტისტი(1946), ხელოვნებათმცოდნეობის დოქტორი.

1911 დაამთავრა პეტერბურგის კონსერვატორია (საკომპოზიციო კლასი). 1921-იდან იგი იყო მოსკოვის კონსერვატორიის პროფესორი (მოწაფეები: ვ. შებალინი, ა. ხაჩატურიანი, დ. კაბალევსკი). მიასკოვსკის დაწერილი აქვს 27 სიმფონია. 13 სიმებიანი კვარტეტი, სავიოლინო და სავიოლონჩელო კონცერტები ორკესტრის თანხლებით, საფორტეპიანო (9) და სავიოლონჩელო (2) სონატა, ვოკალური ნაწარმოებები, რომანსების ციკლი და სხვ.

წყარო

მუსიკის ენციკლოპედიური ლექსიკონი