ალა-ბელა

11:26, 26 ივნისი 2017-ის ვერსია

ალა-ბელა (ვაინ. Алла-Белла) – ადამიანთა ბედის წინასწარმეტყველნი ვაინახური რწმენა-წარმოდგენების მიხედვით; ცხოვრობდნენ გამოქვაბულებში და, პერიოდული შეხმიანებით უზიარებდნენ რა ერთმანეთს იდუმალ აზრებს, ადამიანთა მომავალზე ბჭობდნენ. ხალხის რწმენით, ისინი ჭექა-ქუხილის ღვთაებაზე უფრო ძლევამოსილნი იყვნენ. ვაინახები განსაკუთრებულ შემთხვევებში მათ სახელებს იფიცებდნენ. ინგუშები თხოვნისას დღემდე ამბობენ „ალა-ბელას“, თუმცა ამ სიტყვების შინაარსი არ უწყიან.

ლიტერატურა

• Кодзоев Н. Д. Языческие божества ингушей // ВГИКБНЦ. Нальчик, 2013, № 1;
• Танкиев А. Х. Алла-Белла // Мифологический словарь. Главный редактор Е. М. Мелетинский. М., 1991.

წყარო

ნუგზარ ანთელავა. კავკასიის ხალხთა მითები და რიტუალები. - გამომცემლობა „უნივერსალი“,- თბილისი2017