ავზანდაგი

10:49, 27 ივნისი 2017-ის ვერსია

ავზანდაგ-ი (ოს. Æвзæндæг) — ქურთათის ხეობის სოფ. კორას მფარველი ღვთაება, რომლის სახელობის დღეობა ჯეორგუიბას (გიორგობის) დღესასწაულის შემდგომ პირველ ორშაბათს იმართება. სოფ. კორას მცხოვრებნი სათანადო მსხვერპლშეწირვისთვის იკრიბებიან ავზანდაგის სამლოცველში, რომელიც ალარდის სახელობის სალოცავის ახლოს დგას; ღვთაებას სოფლის მკვიდრთა კეთილდღეობასა და ყოველ საქმეში თანადგომას შესთხოვენ.

ლიტერატურა

• Абаев В. И. Историко-этимологический словарь осетинского языка. Т. I. М.-Л., 1959.
• Дзадзиев А. Б., Дзуцев Х. В., Караев С. М. Этнография и мифология осетин. Владикавказ, 1994.

წყარო

ნუგზარ ანთელავა. კავკასიის ხალხთა მითები და რიტუალები. - გამომცემლობა „უნივერსალი“,- თბილისი2017