მახარაძე მაია

14:36, 7 ოქტომბერი 2025-ის ვერსია

მაია მახარაძე – ქართველი მწერალი, დაიბადა ქობულეთის რაიონის სოფელ ციხისძირში. 1958 წელს. დაამთავრა ციხისძირის საშუალო სკოლა. უმაღლესი განათლება მიიღო თბილისის ალექსანდრე პუშკინის სახელობის პედაგოგიურ ინსტიტუტში (სპეციალობა – ხელოვნებათმცოდნეობა). ასევე დამთავრებული აქვს ქალაქ ბათუმის ნ. კანდელაკის სახელობის სამხატვრო სასწავლებელი (სპეციალობა – მხატვარი) და ქალაქ თბილისის №36 პროფესიულ სწავლებათა ტექნიკუმი (პროფესია – მზა ქსოვილის ხარისხის კონტროლი).

ავტორია წიგნებისა: „ცოდვილთა თეატრონი“ (2005), „დამსხვრეული კერპები“ (1997); მისი ლექსები შეტანილია ახალგაზრდა შემოქმედთა ერთობლივ პოეტურ კრებულში („ძოწისფერი გვირილები“, 1987).

სხვადასხვა დროს მუშაობდა: ხელვაჩაურის რაიონულ გაზეთში კორექტორად, თამბაქოს ფაბრიკაში მხატვრად, ხელვაჩაურის მოსწავლე-ახალგაზრდობის სახლში – დრამატული წრის ხელმძღვანელად, ქალაქ ბათუმის კერამიკული საამქროს მხატვრად, ქართულ-ფრანგული სკოლის პედაგოგად.

წყარო

აჭარაში მოღვაწე თანამედროვე ქართველი მწერლები