ჭერეხების გვარი

მიმდინარე ცვლილება 18:03, 19 იანვარი 2026 მდგომარეობით

ჭერეხების გვარი – aspius agassiz 1835

ტიპი: ქორდიანები
კლასი: სხივფარფლიანი თევზები
რიგი: კობრისნაირნი
ოჯახი: კობრისებრნი
გვარი ჭერეხები

სხივფარფლიანი თევზები კობრისებრთა ოჯახიდან. სხეული წაგრძელებული და გვერდებიდან შებრტყელებულია. ქერცლი საშუალო ზომის ან წვრილია. ის მჭიდროდაა ჩამჯდარი კანში. გვერდით ხაზზე (62)65-105 ქერცლია. ზურგის ფარფლი იწყება მუცლის ფარფლების საწყისის უკანა ვერტიკალზე. მასში (7) 8–9(10) დატოტვილი სხივია, უკანასკნელი სხივი გამსხვილებული და დაკბილული არაა. ანალური ფარფლი, რომელშიც 10-14(15) დატოტვილი სხივია, ზურგის ფარფლი უკანა კიდის ვერტიკალის ოდნავ დაშორებით იწყება. პირი წინაა და დიდი. ქვედა ყბა წინ არის წამოწეული, მასზე შესამჩნევი ბორცვაკია, რომელიც ზედა ყბის ნაჭდევში თავსდება. ხახის კბილები მძლავრი, მოკაუჭებული, გლუვი და ორმწკრივია. მისი ფორმულა უფრო ხშირად ასეთია: 3,5-5,3, მაგრამ შეიძლება იყოს 2,5- 5,3 (ზოგჯერ გრძელ მწკრივზე 6 კბილიც შეიძლება იყოს). ლაყუჩის ჩხირები მოკლე და მცირერიცხოვანია (დაახლოებით 10-მდე აღწევს). მუცელი, მუცლის ფარფლების უკან ქერცლით დაფარული ტროპითაა აღჭურვილი. ლაყუჩის ხვრელები ძლიერ ფართოა. ლაყუჩის აპკები თვალის უკანა კიდის ვერტიკალზეა მიმაგრებული. ქვედა ყბის ქალასთან შესახსრების არე თვალის უკანა კიდის ვერტიკალზე მოდის ან ოდნავ მის წინაა. ზედა ყბის ძვალი თვალის ვერტიკალის წინა კიდემდე აღწევს, ან მასზე ოდნავ გადაცილებულია. თავი გვერდებიდან შებრტყელებულია და მისი სიმაღლე თვალის შუა არეში ამ ადგილის სიგანეს ჭარბობს.

ორი სახეა, რომელიც ქვესახეობითურთ კასპიის ზღვის სამხრეთ ნაწილში და არალის ზღვაშია გავრცელებულია. მეორე სახე მდ. ტიგროსში გვხვდება.

საქართველოს ფარგლებში ცნობილია ამ გვარის ერთი სახე A. aspius (L) და მისი ქვესახე A. aspius taeniatus (Eichw).

[რედაქტირება] წყარო

საქართველოს თევზების სარკვევი