წყალასაწნევი კოშკი
(→წყარო) |
|||
| ხაზი 17: | ხაზი 17: | ||
==წყარო== | ==წყარო== | ||
[[სამშენებლო ენციკლოპედიური ლექსიკონი]] | [[სამშენებლო ენციკლოპედიური ლექსიკონი]] | ||
| − | [კატეგორია:წყლის რეზერვუარები]] | + | [[კატეგორია:წყლის რეზერვუარები]] |
| − | [კატეგორია:სამრეწველო ნაგებობები]] | + | [[კატეგორია:სამრეწველო ნაგებობები]] |
მიმდინარე ცვლილება 23:00, 18 მარტი 2026 მდგომარეობით
წყალასაწნევი კოშკი − წყლის რეზერვუარი ხელოვნურ საყრდენ კონსტრუქციაზე, რომელიც წყალსადენის ქსელში წყლის ნაკადის, ხარჯის, მარაგისა და სატუმბი სადგურების მუშაობის გრაფიკის მარეგულირებელი ნაგებობაა. წყალასაწნევი კოშკის ძირითადი ნაწილებია: ავზი (რეზერვუარი) და საყრდენი კონსტრუქცია (ტანი). ავზის დასამზადებლად ძირითადად გამოიყენება ლითონი (ფოლადის ან ალუმინის ფურცლები) ან რკინაბეტონი, ხოლო ტანისათვის – ფოლადი, რკინაბეტონი და აგური. მეტწილად გავრცელებულია ცილინდრული, სფერული და მართკუთხა ფორმის რეზერვუარები. კოშკის მაქსიმალური სიმაღლეა 30 მ, ტევადობა – რამდენიმე ათეული მ3-დან (მცირე წყალსადენების) რამდენიმე ათას მ3-მდე (დიდი ქალაქების და სამრეწველო ცენტრების წყალსადენები). წყალასაწნევი კოშკი აღჭურვილია ასავსები და დასაცლელი მილების სისტემით. ავზი, წყლის გაყინვის საწინააღმდეგოდ, შეფუთულია თბოსაიზოლაციო მასალით. წყლის მიწოდება წარმოებს სატუმბი დანადგარების მეშვეობით. მოხმარების ხარჯის მიხედვით რეზერვუარში წყლის რეგულირება ხდება ტელესიგნალების საშუალებით, რომელიც მიეწოდება სადისპეტჩეროს.
