ნეპტუნუსი

14:04, 6 ივლისი 2017-ის ვერსია

ნეპტუნუსისა და ამფიტრიტეს ტრიუმფი.
მოზაიკა (IV ს.), პარიზი, ლუვრი

ნეპტუნუსი.
ლ. ბერნინი, მარმარილო (1620 წ.), ვიქტორიასა და ალბერტოს მუზეუმი

ნეპტუნუსი და ამფიტრიტე.
ბ. ჩელინი (1540-43 წ.წ.), ვენა, ხელოვნების ისტორიის მუზეუმი

ნეპტუნუსი – (რომ.) წყლის სტიქიასთან დაკავშირებული ძველი რომაული ღვთაება. მოგვიანებით იგი პოსეიდონის თანაგვარი გახდა.

უძველეს საუკუნეებში ნეპტუნუსი ცხენთა მოვლის ხელოვნების და ცხენთა შეჯიბრებების მფარველი იყო. მის სახელზე რომში აღმართული იყო ტაძარი, რომლის მახლობლადაც 23 ივნისს იმართებოდა ზეიმი სახელწოდებით „ნეპტუნალია“.

რომაელებს სჯეროდათ, რომ ნეპტუნალიების აღნიშვნა მათგან გვალვას განარიდებდა. ნეპტუნუსს განსაკუთრებით სცემდნენ თაყვანს მეზღვაურები.

წყარო

მითოლოგიური ენციკლოპედია ყმაწვილთათვის