ბელინი ვინჩენცო

15:13, 7 აგვისტო 2017-ის ვერსია

ვინჩენცო ბელინი

ვინჩენცო ბელინი - (იტალ. Vincenzo Bellini) (3. XI. 1801, კატანია, სიცილია, – 23. IX. 1835, პიუტო, პარიზის მახლობლად), იტალიელი კომპოზიტორი, მამამისი დირიჟორი იყო, პაპა – ორგანისტი და კომპოზიტორი.

ბელინი სწავლობდა ნეაპოლის კონსერვატორიაში. დაწერა 11 ოპერა, რომელთაგან ყველაზე მნიშვნელოვანია განთქმული „ნორმა“ (1831, „ლა სკალას“ თეატრი, მილანი). ეროვნულ-განმათავისუფლებელ მოძრაობის აღმავლობის პირობებში ბელინის ოპერები ხშირად პოლიტიკურ შინაარსს ატარებდა.

ცნობილი ოპერებია „პირატი“, „კაპულეტი და მონტეკი“, „სომნაბულა“, „პურიტანები“. ბელინი ბელკანტოს უდიდესი ოსტატი, ამ სტილის ოპერის ერთ-ერთი კლასიკოსია. მისი მუსიკის საფუძველს წარმოადგენს მოქნილი, პლასტიკური მელოდია.

გამოჩენილი იტალიელი მომღერლები ბელინის ნაწარმოებებზე სრულყოფენ საშემსრულებლო ხელოენებას.

წყარო

მუსიკის ენციკლოპედიური ლექსიკონი / [შემდგ.: ანზორ თამარაშვილი; მთ. რედ.: გულბათ ტორაძე]. [ახალციხე: თბილ. უნ-ტის მესხეთის ფილიალის გამ-ბა], 2005 (ა.ო. "პროგრესი")