საზენიტო-სარაკეტო კომპლექსი

14:24, 16 იანვარი 2018-ის ვერსია

საზენიტო-სარაკეტო კომპლექსი – საჰაერო მიზნების გასანადგურებლად განკუთვნილი სარაკეტო კომპლექსი (სისტემა). მოიცავს საზენიტო მართვად რაკეტებს (ჩვეულებრივ, 8 კგ-დან 15 ტ-მდე წონის, 270–1700 მ/წმ და მეტი ფრენის სიჩქარის მყარსაწვავიანი ფრთოსანი რაკეტები), გამშვებ დანადგარებს, მიზნების აღმოჩენის, ამოცნობისა და თანხლების დანადგარებს საზენიტო მართვადი რაკეტების დამიზნების აპარატურითურთ. რამდენიმე საზენიტო-სარაკეტო კომპლექსი ერთიანი სამეთაურო პუნქტით შეადგენს საზენიტო-სარაკეტო სისტემას. საზენიტო-სარაკეტო კომპლექსი შეიძლება იყოს სახმელეთო (საჯარისო და ქვეყნის ტერიტორიის ობიექტებისა) და სახომალდო; სტაციონარული და მოძრავი. სროლის მაქსიმალური სიშორის (დაზიანების სიმაღლის) მიხედვით იყოფა: შორი მოქმედების საზენიტო-სარაკეტო კომპლექსებად – 200 კმ-ზე მეტი (30 კმ-ზე მეტი), საშუალო სიშორის 50–200 კმ (20–30 კმ), მცირე სიშოსაზ 387 რის – 10–50 კმ (6–20 კმ) და ახლო მოქმედების – 10 კმ-მდე (6 კმ-მდე), ხოლო დასაზიანებელი მიზნების ტიპის მიხედვით – თვითმფრინავსაწინააღმდეგო და რაკეტსაწინააღმდეგო კომპლექსებად.

წყარო

ქართული სამხედრო ენციკლოპედიური ლექსიკონი. აკადემიკოსის, გენერალ-მაიორ ელგუჯა მეძმარიაშვილის საერთო რედაქციით, – თბილისი 2017