ლელი

14:10, 11 აპრილი 2018-ის ვერსია

ლელი

ლელი – (Phragmits communis); მაღალი, მრავალწლოვანი, სანაპიროს ან წყლის ბალახოვანი მცენარე. ლერწმისებრთა ოჯახის წარმომადგენელი. მას განვითარებული აქვს მსხვილი და გრძელი (დაახლოებით 2მ.) მიწისქვეშა (იშვიათად მიწისზედა) კარგად დატოტვილი ფესვები. ღერო სწორი, 1 სმ-ის სისქის, სრიალა, კენწერომდე შეფოთლილი, მუქი მწვანე ფერის, დრეკადი.

ლელი – ბიბლიური მცენარე

„როცა დამალვა ვეღარ შეძლო, აიღო ლერწმის კიდობანი, შეგოზა ფისითა და კუპრით, ჩასვა ბავშვი და დადო ლელიანში ნილოსის ნაპირას. ხოლო ბავშვის და მოშორებით იდგა, რომ გაეგო რა მოუვიდოდა, ჩავიდა ფარაონის ასული ნილოსზე საბანაოდ, მისი მხევლები კი ნილოსის პირას მიმოდიოდნენ. დაინახა ლელიანში კიდობანი გაგზავნა მხევალი და მოატანინა,“ (გამოსვლათა 2, 3-5)

„წყალი დაწყდება ზღვაში, ნილოსი დაინრიტება და დაშრება, მდინარეები ამყრალდება, დაიკლებს და დაშრება ეგვიპტის არხები, დაჭკნება ლელი და ლერწამი“. (ესაია 19, 5-6)

წყარო

ბიბლიური მცენარეები