ალკოჰოლით გამოწვეული რეზიდუალური და ნარჩენი ფსიქოზური დარღვევები

14:08, 9 აგვისტო 2018-ის ვერსია

ალკოჰოლით ან სხვა ფსიქოაქტიური ნივთიერების მიღებით გამოწვეული რეზიდუალური და ნარჩენი ფსიქოზური დარღვევები - (F1x7), (Psuchotic disorder, residual and lateonest, alcohol or drug-indused) – ალკოჰოლით ან სხვა ფსიქოაქტიური ნივთიერებებით გამოწვეული კოგნიტიური ფუნქციების, ემოციების, პიროვნებისა და ქცევის მყარი ცვლილებები, რომლებიც გრძელდება იმ პერიოდის შემდეგ, როდესაც, სავარაუდოდ, ადგილი ჰქონდა ფსიქოაქტიური ნივთიერების უშუალო ზემოქმედებას. დსკ 10-ში ტერმინი შესულია იმ მიზნით, რომ ასახული იყოს მოვლენები, რომლებიც უფრო ზუსტად უნდა განსაზღვრულიყო როგორც „ფსიქიკური და ქცევითი დარღვევები რეზიდუალური და ნარჩენი დასაწყისით, განპირობებული ალკოჰოლით ან სხვა ფსიქოაქტიური ნივთიერებებით“.

დსკ 10-ში ეს კატეგორია (F1x7) მოიცავს:

• ალკოჰოლურ დემენციას, დამატებითი განმარტებების გარეშე;
• ქრონიკული ალკოჰოლური ტვინის სინდრომს;
• დემენციას და კოგნიტიური ფუნქციების სხვა მყარ, უფრო მსუბუქ დარღვევებს;
• „ფლეშბეკს“;
• ჰალუცინოგენების მიღებით გამოწვეულ დარღვევებს;
• რეზიდუალურ აფექტურ დარღვევებს;
• პიროვნებისა და ქცევის რეზიდუალურ დარღვევებს.

წყარო

ჯანდაცვის მსოფლიო ორგანიზაციის ფსიქიატრიის ლექსიკონები