ბლეიკი რობერტ

16:35, 17 იანვარი 2019-ის ვერსია

ბლეიკი რობერტ (1886, სან-ფრანცისკო - 1950, კემბრიჯი, მასაჩუსეტსი) - ამერიკელი აღმოსავლეთმცოდნე, ქართველოლოგი, პროფესორი. 1911 სწავლა დაიწყო პეტერბურგის უნივერსიტეტში პროფესორ ნიკო მარის ხელმძღვანელობით.

1918 მოწვეულ იქნა თბილისის უნივერსიტეტის პროფესორად. 1918-1921 წლებში უნივერსიტეტში ასწავლიდა ბერძნულ ენასა და ბიზანტიის ისტორიას. 1921 წლის თებერვალში რუსეთის საქართველოზე თავდასხმისას იგი მონაწილეობას იღებდა ტაბახმელასთან ბრძოლაში. 1921 დაბრუნდა ჰარვარდში

1928-1937 წლებში იყო ჰარვარდის ბიბლიოთეკის დირექტორი. ბლეიკმა შეისწავლა პალესტინაში და ათონზე დაცული მრავალი ქართული ხელნაწერი. ამერიკაში გამოსცა ქართული ჰაგიოგრაფიული ტექსტები თარგმანით. ავტორია მნიშვნელოვანი გამოკვლევებისა ბიბლიოლოგიისა და პატროლოგიის დარგში.

მანანა ლილუაშვილი

ლიტერატურა

მ. შანიძე, რობერტ ბლეიკი, ქსე, ტ. II,თბ., 1977; ზ. გაიპარაშვილი, მ. ლილუაშვილი, „ტფილისის სახელმწიფო უნივერსიტეტის პროფესორთა საბჭოს ოქმები 1917-1926“, თბ., 2006.

წყარო

საქართველოს დემოკრატიული რესპუბლიკა (1918-1921) ენციკლოპედია-ლექსიკონი