გელოვანი კონსტანტინე

23:13, 17 იანვარი 2019-ის ვერსია

გელოვანი კონსტანტინე ლევანის ძე - (8.XII.1873 -1932) - გენერალი.

დაამთავრა თბილისის ქვეით იუნკერთა სასწავლებელი. პოდპორუჩიკი (1897). რუსეთ-იაპონიის 1904-1905 წლების ომის მონაწილე. 1913 მონაწილეობდა რომანოვების დინასტიის 300 წლისთავისადმი მიძღვნილ საზეიმო ღონისძიებაში, კოსტრომაში. პირველი მსოფლიო ომის მონაწილე. იბრძოდა ჩრდილო-დასავლეთის ფრონტზე, სადაც ორჯერ დაიჭრა. პოდპოლკოვნიკი (1915). პოლკოვნიკი (1916). დაჯილდოებული იყო ორდენებით: წმ. გიორგის მე-4 ხარისხის, წმ. ანას მე-4 ხარისხის, წმ. ანას მე-3 ხარისხის ხმლებითა და ბაბთით, წმ. ანას მე-2 ხარისხის ხმლებით, წმ. სტანისლავის მე-3 ხარისხის ხმლებითა და ბაბთით, წმ. სტანისლავის მე-2 ხარისხის ხმლებით, წმ. ვლადიმირის მე-4 ხარისხის ხმლებითა და ბაბთით.

1918-1921 წლებში მსახურობდა საქართველოს დემოკრატიული რესპუბლიკის შეირაღებულ ძალებში. გენერალი (1918). 1919 იმყოფებოდა გენერალ მაზნიაშვილის დაქვემდებარებაში და მონაწილეობდა ახალციხისა და ახალქალაქის მაზრებში თურქეთის აგენტებისა და მათ მხარდამჭერთა მიერ მოწყობილი აჯანყების ჩახშობაში

მიხეილ ბახტაძე

ლიტერატურა

• Русская армия в Великой войне http://www.grwar. ru/;
• М. Гогитидзе, Военная элита Кавказа, т. I.2007.

წყარო

საქართველოს დემოკრატიული რესპუბლიკა (1918-1921) ენციკლოპედია-ლექსიკონი

იხილე აგრეთვე

კოწია გელოვანი