კულტურული ქამა

მიმდინარე ცვლილება 19:48, 15 მარტი 2022 მდგომარეობით

კულტურული ქამა (ორსპორიანი ქამა) (ლათ. Agaricus bisporus (Lge.) Sing. რუს. Шампиньон двуспоровый)

ქუდი – ხორციანი 5-10 სმ დიამეტრისაა, ჯერ ნახევარსფეროსებრია, კიდეებშეკეცილი, შემდეგ კი იშლება; ზედაპირი რადიალურ-ბოჭკოვანია, ჭუჭყისფერ-თეთრია, ნაცრისფერი ყავისფერ-მურამდე, ხელის დაჭერისას წითლდება; ფირფიტები თავისუფალია, ხშირი, ჯერ მოვარდისფრო-ნაცრისფერი, შემდეგ კი – მუქი ყავისფერი.

ფეხი – სიგრძით 3-6 სმ–ია და სისქით 1-2 სმ; სწორია, თანაბარი სისქისაა, ზოგჯერ ძირში გაგანიერებულია; თეთრია, საყელოს ქვემოთ ბოჭკოვანი, საყელო სქელია, ადვილად სცილდება, მოთეთროა.

რბილობი – თეთრია, გადატეხისას ვარდისფრდება ან ოდნავ წითლდება, ახასიათებს სოკოს სუნი და გემო.

სპორები – წაგრძელებული კვერცხისებრია, მეწამულ-ყავისფერი, 4-7,5X4-5,5 მკმ.

იზრდება ნიადაგზე საძოვრებზე, პარკებში, ბაღ-ბოსტნებში, გადამწვარ ნაკელის გროვებზე, ზოგჯერ დიდი რაოდენობითაც, გაზაფხულიდან გვიან შემოდგომამდე. საუკეთესო საჭმელი სოკოა, გამოიყენება ახალი. ბევრ ქვეყანაში მოსდევენ მის საწარმოო მაშტაბით ხელოვნურ მოშენებას სპეციალურ შენობებში.

[რედაქტირება] წყარო

საქართველოს სოკოები