ავღადგასი

მიმდინარე ცვლილება 13:17, 2 ნოემბერი 2018 მდგომარეობით

ავღადგას-ი ირ., ცორიბადაგ-ი დიგ. (ოს. Æвгъæдгæс, цорибадæг) – ბებიაქალი. ხშირად, განსაკუთრებით მძიმე მშობიარობის ან ჩვილი ბავშვების სიკვდილის შემთხვევებში, ბებიაქალებად იწვევდნენ კეთილ ექიმბაშ ჯადოქრებს ე. წ. ქალანგანაგი, რომლებიც თავიანთი მისნობით ხელს უწყობდნენ მშობიარეს მოლოგინებაში და სხვადასხვა მაგიური ქმედებით დედა-შვილის „მომნუსხველ“ ჯადოს აუვნებელყოფდნენ. ბებიაქალსა და მშობიარის ოჯახს შორის ყალიბდებოდა ხელოვნურად დანათესავებულთა ურთიერთობა, რაც თანხლებული იყო შესაბამისი ვალდებულებებით.

[რედაქტირება] ლიტერატურა

• Тхостов И. Г. Знахари и знахарки в Осетии // Кавказ. 1868. № 85;
• Бесаева Т. З. Материады по родильным обрядам осетин // Новое в этнографических и антропологических исследованиях. М., 1975; მისივე, Обряды и обычаи осетин, связанные с рождением ребёнка // ИСОНИИ. 1976, т. XXXI.

[რედაქტირება] წყარო

კავკასიის ხალხთა მითები და რიტუალები