საერთაშორისო სამხედრო სამდივნო

მიმდინარე ცვლილება 11:58, 28 მარტი 2018 მდგომარეობით

საერთაშორისო სამხედრო სამდივნო – პასუხისმგებელია სამხედრო სფეროში ნატოს პოლიტიკის დაგეგმვაზე, განხორციელებასა და სამხედრო კომიტეტისათვის განსახილველი რეკომენდაციების წარდგენაზე. აგრეთვე პასუხისმგებელია ნატოს სამხედრო კომიტეტის მითითებების სათანადო შესრულებაზე.

სამდივნო აქტიურად მონაწილეობს თანამშრომლობის პროცესში ცენტრალური ევროპის ქვეყნებთან, ყოფილ საბჭოთა რესპუბლიკებთან „პარტნიორობა მშვიდობისათვის“ ინიციატივის ჩარჩოებში. საერთაშორისო სამხედრო სამდივნოს უფროსი ინიშნება ნატოს წევრი ქვეყნების მიერ წარდგენილი კანდიდატებიდან. საერთაშორისო სამხედრო სამდივნოს უფროსს ჰყავს ხუთი მოადგილე, თითოეული მათგანი ცალკეულ მიმართულებას ხელმძღვანელობს. ეს მიმართულებებია:

1. დაგეგმვა და პოლიტიკა;

2. ოპერატიული სამსახური;

3. დაზვერვა, თანამშრომლობა და რეგიონული უსაფრთხოება;

4. ლოგისტიკა;

5. შეიარაღება და რესურსები.

[რედაქტირება] წყარო

ქართული სამხედრო ენციკლოპედიური ლექსიკონი