ბაქრაძე დავით

18:54, 29 მაისი 2020-ის ვერსია

დავით ბაქრაძე

დავით ბაქრაძე – დაიბადა 1972 წლის 1 ივლისს თბილისში. — საგარეო საქმეთა მინისტრი (2008). საქართველოს პარლამენტის თავმჯდომარე (2008-2012).

განათლება – საქართველოს ტექნიკური უნივერსიტეტის საინჟინრო-ფიზიკური ფაკულტეტი (1994); ასპირანტურა (1998).

სამუშაო გამოცდილება

• მუშაობდა საგარეო საქმეთა სამინისტროს საპასუხისმგებლო თანამდებობებზე (1997-2004).
• მე-6 მოწვევის პარლამენტის წევრი (2004-2007): პარტიული სიით, „ნაციონალური მოძრაობა - დემოკრატები“, ევროპასთან ინტეგრაციის კომიტეტის თავმჯდომარე.
• სახელმწიფო მინისტრი კონფლიქტების მოგვარების საკითხებში (2007-2008);
• საგარეო საქმეთა მინისტრი (2008).
• მე-7 მოწვევის პარლამენტის წევრი (2008-2012): პარტიული სიით, „ერთიანი ნაციონალური მოძრაობა - გამარჯვებული საქართველოსათვის“, საქართველოს პარლამენტის თავმჯდომარე.
• მე-8 მოწვევის პარლამენტის წევრი (2012-2016): პარტიული სიით, ერთიანი ნაციონალური მოძრაობა - „მეტი სარგებელი ხალხს“, საპარლამენტო უმცირესობის ლიდერი.
• მე-9 მოწვევის პარლამენტის წევრი 2016 წლიდან: პარტიული სიით, ერთიანი ნაციონალური მოძრაობა; 2017 წლის იანვრიდან – ფრაქცია „ევროპული საქართველოს“ წევრი. საპარლამენტო უმცირესობის ლიდერი (2016-2019)
• საქართველოს პრეზიდენტობის კანდიდატი (2013, 2018).

წყარო

საქართველოს პარლამენტის წევრები 1990-2015