გამყრელიძე თამაზ

20:43, 29 მაისი 2020-ის ვერსია

თამაზ გამყრელიძე

თამაზ გამყრელიძე – დაიბადა 1929 წლის 23 ოქტომბერს ქუთაისში. — მრავალი სამეცნიერო ნაშრომის ავტორი. ივანე ჯავახიშვილის სახელობის პრემიის ლაურეატი. ხელი აქვს მოწერილი საქართველოს დამოუკიდებლობის აღდგენის აქტზე (1991 წლის 9 აპრილი).

განათლება – თბილისის სახელმწიფო უნივერსიტეტის აღმოსავლეთმცოდნეობის ფაკულტეტი (1952).

სამუშაო გამოცდილება

• 1953 წლიდან ეწეოდა სამეცნიერო საქმიანობას;
• თსუ კათედრის გამგე 1960 წლიდან.
• უმაღლესი საბჭოს რამდენიმე მოწვევის დეპუტატი.
• საქართველოს რესპუბლიკის სახელმწიფო საბჭოს წევრი (1992).
• საქართველოს მეცნიერებათა ეროვნული აკადემიის ნამდვილი წევრი და მისი პრეზიდენტი (2004-2013).

პარლამენტის წევრი

• საქართველოს რესპუბლიკის უზენაესი საბჭოს წევრი (1990-91): საქართველოს კომპარტიის სიით, კულტურის, განათლებისა და მეცნიერების კომისიის წევრი;
• მე-3 მოწვევის საქართველოს რესპუბლიკის პარლამენტის წევრი (1992-95): პროპორციული წესით, №1 მრავალმანდატიანი საარჩევნო ოლქი, ბლოკი „11 ოქტომბერი“, საგარეო საქმეთა კომისიის თავმჯდომარე.
• მე-4 მოწვევის პარლამენტის წევრი (1995-99): პარტიული სიით, საქართველოს მოქალაქეთა კავშირი.
• მე-5 მოწვევის პარლამენტის წევრი (1999-2004): პარტიული სიით, საქართველოს მოქალაქეთა კავშირი.

წყარო

საქართველოს პარლამენტის წევრები 1990-2015