აინაალარა აჲნაალარა
მ (მომხმარებელმა Malania გვერდი „აინაალარა აჲნაალარა“ გადაიტანა გვერდზე „აინიშვარა აინჷშοარა“) |
მ (მომხმარებელმა Malania გვერდი „აინიშვარა აინჷშοარა“ გადაიტანა გვერდზე „აინაალარა აჲნაალარა“ გ...) |
მიმდინარე ცვლილება 17:16, 11 ნოემბერი 2020 მდგომარეობით
აინაალარა (აჲნაალარა) აინიშვარა (აინჷშοარა) - აფხ. შერიგება (იურიდიული ტერმინი). ურთიერთშერიგების ჩვეულება, როგორც ინდივიდუალური, ისე კოლექტიურ დონეზე ტარდებოდა და ფიცის ინსტიტუტი გამოიყენებოდა. თუ საგვარეულოებს შორის უსიამოვნება, დავა, მტრობა იყო (ურთიერთ-თავდასხმები, ძარცვა, ქურდობა, ადამიანის გატაცება და ა.შ.) სოფლის თემის სახალხო ყრილობის უხუცესთა საბჭოს წევრები ცდილობდნენ, მათ შორის კეთილმეზობლური ურთიერთობა დაემყარებინათ. ცდილობდნენ, ჯერ მათ შორის დავის საკითხი კომპენსაციის საშუალებით დაერეგულირებინათ. როდესაც მათ შერიგებაზე დაითანხმებდნენ, დაპირისპირებულ მხარეებს წმ. ადგილზე, სალოცავთან მოიწვევდნენ. შერიგებას ბზიფის აფხაზებში მთავარიც ესწრებოდა. მისი მონაწილეობა მეტ მნიშვნელობას ანიჭებდა შერიგების მსვლელობას. ამავე დროს შერიგების რიტუალში კულტმსახურიც მონაწილეობდა. ორივე დაპირისპირებული მხარე ფიცს წარმოთქვამდა, რომ შერიგების ჩვეულებას არ დაარღვევდნენ. ღვთაებათა განრისხებისა და დასჯის შიშით შერიგების ჩვეულების დარღვევას მართლაც ერიდებოდნენ.
