ჩენდლერი (კაკლის ჯიში)

მიმდინარე ცვლილება 11:52, 18 ნოემბერი 2022 მდგომარეობით

ჩენდლერი, კაკლის ამერიკული ჯიში

ჩენდლერი - კაკლის ამერიკული ჯიში

წარმოშობა: ამერიკული ჯიში, ჩენდლერი.

პომოლოგიური დახასიათება: ხე საშუალო ზრდისაა, ვარჯის ზემოთ მიმართული და უხვად შეფოთლილი მსხმოიარობს ძირითადად გვერდით სანაყოფე ტოტებზე, რომლებზეც მტევნისებურად ვითარდება ნაყოფები. სიმწიფის ვადა საშუალოა, მწიფდება სექტემბრის შუა რიცხვებში. მსხმოიარობაში შედის მე-3-მე-4 წელს. საჰექტარო მოსავლიანობა შეადგენს 4-5 ტონას. ნაყოფი მოგრძო, ელიფსური ფორმის, დიდი ზომის, ნაჭუჭი თხელი, ადვილად მტვრევადი. ლებნები თეთრია. მთლიანად ავსებს ნაჭუჭის ღრუს, გემრიელია, გულის გამოსავლიანობა 49%-ია. ცხიმის შემცველობა 64%. პერსპექტიული ჯიშია კაკლის სამრწეველო ინტენსიური ტიპის ბაღების გასაშენებლად.

[რედაქტირება] წყარო

ჟურნალი „აგრო ბაზისი“; 2016, №5. სტატია: „კაკალი – გამრავლება, გაშენება, მოვლა“; ავტორი: ნუგზარ შენგელია.