ერისთავი დიმიტრი (მწერალი)

მიმდინარე ცვლილება 18:30, 1 მარტი 2022 მდგომარეობით

ერისთავი დიმიტრი – (1859 – 1925), დიმიტრი კონსტანტინეს ძე ერისთავი. ექიმი, პოეტი, პროზაიკოსი, „ივერიის თანამ- შრომელი”, თხზულებებს ბეჭდავდა მოამბეშიც.

ფაზელის გარდაცვალების გამო

წვალებით განვლე გზა ცხოვრებისა,

ეკლებით სავსე, ცრემლით მორწყული,

ბედნიერების სხივსა მცირედსა

არ გაუთბია ბედ-კრული გული...

მაგრამ შენ მაინც არ უღალატე

შენს აღთქმულ აზრთა, წმინდასა ალამს,

და სამშობლოის, მოძმის სიყვარულს

ამსახურებდი ნიჭიერ კალამს.

და თვით მაშინც-კი, როს ულმობელი

სიკვდილი ტანჯულს სულს გაშორებდა,

წყევის წილ ლოცვა-კურთხევის სიტყვებს

ენა უღონოდ იმეორებდა:

„შეუნდე, ღმერთო! მათ არ უწყიან,

რასა შვრებიან, რადა მტანჯავენ;

ხალხი ბავშვია, გვიან მიხვდება, –

შეცდომას ბოლოს დაინახავენ”.

იყავ უშფოთველ უშფოთველს ძილში,

შვილო რჩეულო ტკბილ ხმათა ღმერთის,

მივხვდით, თუმც გვიან, რაცა იყავი,

და ძალას შენის ჩანგისა ჟღერის.

[რედაქტირება] წყარო

ქართველი პოეტები (ენციკლოპედია)