ხუჭუჭა უნაგირასოკო

13:38, 9 მარტი 2022-ის ვერსია

ხუჭუჭა უნაგირასოკო

Helvella crispa Fr.

Лопастник курчавый

ქუდი – 2-4 სმ დიამეტრისაა, არასწორი ფორმისა, შუაში ჩაზნექილია და უნაგირს მოგვაგონებს, ტალღოვანი ან ხუჭუჭი კიდეები აქვს, მოთეთროა ან ღია მოყვითალო.

ფეხი – სიგრძით 3-7 სმ, სიგანით 1-2,5 სმ-ია, სიგრძივ წახნაგოვან-დაღარული, ცილინდრული, ძირში უფრო მსხვილია, მოთეთრო.

სპორები – ელიფსისებრი სადა 15-20X10-2 მკმ. ჩანთები ცილინდრულია 300 მკმ-მდე სიგრძისა და 14-18 მკმ სიგანისა, რომელშიც 8 სპორაა მოთავსებული.

იზრდება ნიადაგზე ფოთლოვან და შერეულ ტყეში ზაფხულ-შემოდგომით.

გამოყენება – პირობითად საჭმელი სოკოა. მოხმარებამდე უნდა იხარშოს 20 წთ-ის განმავლობაში, რის შემდეგაც წყალი გადაიღვრება. საჭმელად იხმარება ახალი.

წყარო

საქართველოს სოკოები