ნაოჭა სოკო

მიმდინარე ცვლილება 23:03, 16 ნოემბერი 2025 მდგომარეობით

ნაოჭა სოკო

ნაოჭა სოკო (ლათ. Gyromitra esculenta (Fr.), რუს. Строчок обыкновенный),

ქუდი – 2-10 სმ დიამეტრისაა; ტალღოვანი, ტვინისებურად დანაოჭებული ზედაპირით, კიდეები ნაწილობრივ ფეხთანაა შეზრდილი; მუქი ყავისფერი ან წაბლისფერია.

ფეხი – 3-9 სმ სიგრძისა და 1,5-4 სმ სისქისაა; ცილინდრულია ან ბოლქვისებრი, სიგრძივ ნაოჭიანი, ფუყე; მოთეთრო ან მურა მოყვითალო, ზოგჯერ მოწითალო.

სპორები – ელიფსურია, 16-25X8-13 მკმ. ჩანთები ცილინდრულია 200-300X12-16 მკმ.

იზრდება ნიადაგზე ფიჭვნარებში, გზებთან ახლოს; გაზაფხულზე.

გამოყენება – პირობითად საჭმელი სოკოა, იხმარება მხოლოდ წყალში 20-30 წთ დუღილის შემდეგ, წყალი უნდა გადაიღვაროს, წინააღმდეგ შემთხვევაში მოწამვლა გარდაუვალია. სხვა ქვეყნებში ნაოჭა სოკოთი მოწამვლის მრავალი სასიკვდილო შემთხვევაა აღნიშნული. ჩვენში საჭმელად არ ხმარობენ.

[რედაქტირება] წყარო

საქართველოს სოკოები