მახაური ტრისტან

15:30, 28 მარტი 2022-ის ვერსია

მახაური ტრისტან — (1959 − 2018), ქართველი მწერალი, პოეტი, მეცნიერი, ფოლკლორისტი. დაიბადა სოფელ გომეწარში. 1978-1984 წლებში სწავლობდა თსუ-ს ფილოლოგიის ფაკულტეტზე. პირველი ნაშრომი, „მესტვირეობის ტრადიცია ფშავში“ გამოაქვეყნა 1981 წელს ჟურნალ „ცისკრის“ მე-4 ნომერში. გამოქვეყნებული აქვს ფოლკლორულ-ეთნოგრაფიული და ლიტერატურულ-კრიტიკული ხასიათის წერილები, რეცენზიები, ნარკვევები, საკუთარი ლექსები, თარგმანები.

გადარჩენა

გადმოვიარეთ მყინვარები, ღრმა უფსკრულები,

თვალს მიეფარა სილუეტი შორი ქედების.

შენს თვალწინ ვდგავართ დამაშვრალნი

დარდით ულევით,

შეჩერდი, გულო, წარსულისკენ ნუ იხედები!

აქ სხვა მხარეა, სხვა სამყარო, დილა მზიანი,

ცაში აჭრილა მოღუღუნე გუნდი მტრედების.

დასრულდა გზები უვალი და გზები ტიალი

და მაინც გულო, ისევ უკან რად იხედები?!

წყარო

ქართველი პოეტები (ენციკლოპედია)