გაბადაძე ანდრია

18:57, 18 იანვარი 2023-ის ვერსია

გაბადაძე ანდრია – (1824-1904), მღვდელი. დაიბადა მღვდლის ოჯახში. დაამთავრა ქუთაისის სასულიერო სასწავლებელი. 1851 წ. იმერეთის მიტროპოლიტმა დავითმა (წერეთელი, 1781-1853) მღვდლად დაასხა ხელი და სოფელ კითხიჯის მთავარანგელოზთა ტაძარში დაადგინა. 1855 წ. სოფელ გურნის წმ. გიორგის ტაძარში გადაიყვანეს. 1894 წ. 25 ივნისს სკუფია უბოძეს. 1899 წ. 12 ივნისს ეკლესიაში ორმოცდაათწლიანი ერთგული სამსახურისთვის წმ. ვლადიმირის IV ხარისხის ორდენით დაჯილდოვდა. 1902 წ. პენსიაზე გავიდა.

წყარო

საქართველოს მართლმადიდებელი ეკლესია:ენციკლოპედია