დელიბი ლეო

16:34, 7 აგვისტო 2017-ის ვერსია

ლეო დელიბი

დელიბი კლემან ფილიბერ ლეო - ფრ. Clément Philibert Léo Delibes. (21. II. 1836, სენ-ჟერმენ-დიუ-ვალი, სარტა, – 16. I. 1891, პარიზი), ფრანგი კომპოზიტორი.

დელიბი სწავლობდა პარიზის კონსერვატორიაში (ა. ადანის საკომპოზიციო კლასი), 1853 მუშაობდა საოპერო თეატრებში აკომპანიატორად, ეკლესიებში – ორგანისტად. 1881-იდან პარიზის კონსერვატორიის პროფესორია. მისი ცნობილი ბალეტებია: „კოპელია“ (1870), „სილვია“ (1876). დაწერილი აქვს აგრეთვე ოპერები, ოპერეტები, რომანსები და სხვ. დელიბის საუკეთესო ოპერაა „ლამკე“ (1883), დელიბი ფრანგული ლირიკული ოპერის ტრადიციების გამგრძელებელია. მისი მუსიკისათვის დამახასიათებელია მელოდიურობა, სიფაქიზე.

წყარო

მუსიკის ენციკლოპედიური ლექსიკონი / [შემდგ.: ანზორ თამარაშვილი; მთ. რედ.: გულბათ ტორაძე]. [ახალციხე: თბილ. უნ-ტის მესხეთის ფილიალის გამ-ბა], 2005 (ა.ო. "პროგრესი")