როსციუსი კვინტ

17:00, 6 ივნისი 2023-ის ვერსია

კვინტ როსციუსი − (ლათ. Quintus Roscius Gallus, დაახლ. 130-62 ძვ.წ.), ძველრომაელი კომიკოსი მსახიობი. დაიბადა მონის ოჯახში, შემდგომში გახდა თავისუფალი მოქალაქე. ჰქონდა მეტსახელი „გალი“, როგორც ჩანს, გამომდინარე გალური წარმოშობიდან. შექმნა თეატრალური სკოლა, იყო აღიარებული პედაგოგი. მასთან და ტრაგიკოს მსახიობ ეზოპესთან დეკლამაციის ხელოვნებას ეუფლებოდა ციცერონი, რომელიც ამასთანავე იყო როსციუსის მეგობარი და მაღალ შეფასებას აძლევდა მის ხელოვნებას.

წყარო

მსოფლიო თეატრის ენციკლოპედიური ლექსიკონი