ფარტაზი

01:04, 15 ნოემბერი 2023-ის ვერსია

ფარტაზი (VI ს.) — ორატორი, პოლიტიკური მოღვაწე, VI ს. ლაზიკაში, რომელიც ორი დიდი სახელმწიფოს (ბიზანტიის და სპარსეთის) მეტოქეობის ასპარეზს წარმოადგენდა, რთული საგარეო ვითარება შეიქმნა, ამ სახელმწიფოებმა ლაზიკას თავს მოახვიეს ხანგრძლივი ომი. განსაკუთრებით გამწვავდა ვითარება 553 წელს, ბიზანტიელთაგან გუბაზ მეფის მოკვლის შემდეგ. კოლხმა წარჩინებულებმა მოიწვიეს ხალხის ფარული ყრილობა, რომელზეც უნდა გადაწყვეტილიყო ქვეყნის პოლიტიკური ორიენტაციის საკითხი. სწორედ ამ ყრილობაზე უთქვამს სიტყვა ფარტაზს. იგი ბიზანტიელებთან კავშირის შენარჩუნების მომხრედ გამოსულა. ყრილობაზე გაიმარჯვა ბიზანტიურმა ორიენტაციამ. ფარტაზის სიტყვა შემოგვინახა VI ს. ბიზანტიელმა პოეტმა და ისტორიკოსმა აგათია სქოლასტიკოსმა.

ტექსტი

• გეორგიკა, ბიზანტიელი მწერლების ცნობები საქართველოს შესახებ. III, 1936, გვ. 72–81 [[1]].

ლიტერატურა

• ნ. კანდელაკი, ქართული მჭევრმეტყველება, 1958.

იხილე აგრეთვე: აიეტი [[2]]

წყარო

• ქართული მწერლობა: ლექსიკონი-ცნობარი