ვარდანისძე იოვანე (I)

11:54, 9 ივნისი 2017-ის ვერსია

იოვანე (I) ვარდანისძე - სვანთა ერისთავი X ს-ის მეორე ნახევარში. მოხსენიებულია ჩვაბიანის ეკლესიის ნაკაწრ წარწერაში: „წმიდაო მაცხოვარო, შეიწყალე ვახდანგ ერისთავი. მაშინ დავწერეთ, ოდეს იოვანე ერისთავი სულკურთხეული გარდაიცვალა“. წარწერები დათარიღებულია X ს-ის მეორე ნახევრით. აშკარაა, რომ ვახდანგ ერისთავი იოვანე ერისთავის შემდეგ გამხდარა ერისთავი. შესაძლოა, ისინი მამა-შვილი არიან.

წყარო

სილოგავა 1988: 179-180, 400-401;

წყარო

ცენტრალური და ადგილობრივი სამოხელეო წყობა შუა საუკუნეების საქართველოში. [ენციკლოპედიური ლექსიკონი]. – კორნელი კეკელიძის სახელობის საქართველოს ხელნაწერთა ეროვნული ცენტრი. – თბილისი2017