უტყისუბანი

22:59, 15 მაისი 2024-ის ვერსია

უტყისუბანი, (უთხის უბანი, უტყვისა) – სოფელი ადიგენის მუნიციპალიტეტში, მლაშეს თემში, ზღვის დონიდან 1500-1520 მ სიმაღლეზე. მიდამოები შემოსილია წიწვიანი ტყეებით. საქართველოს მთავრობის 2015 წლის N 671 დადგენილების მიხედვით შესულია მაღალმთიან დასახლებათა ნუსხაში.

მოსახლეობის რიცხოვნობა – 79, რიცხობრივად უპირატესი ეროვნება – ქართველი (2002). მდინარე ძინძეს ხეობაში გაქვავებული ტყის მასივია. შემორჩენილია შუა საუკუნეების ეკლესიების – „ჩაკიდულას” და „ქაცარულას” ნანგრევები. ისტორიულ წყაროებში სხვადასხვა სახელითაა მოხსენიებული. თავდაპირველი ფორმა „უტყისუბანია”, მოგვიანებით გაჩნდა „უთხის უბანი”. მიუხედავად ტყიან არემარეში მდებარეობისა, სახელწოდებას მაინც სიტყვა „უტყეობას” უკავშირებენ. როგორც ფიქრობენ, დასახლების შექმნისას იყო იგი უტყეო, ან მერე იქცა უტყეოდ. ტოპონიმი რთული სიტყვისაგან შედგენილი სახელწოდებაა. მაწარმოებელია სიტყვა „უბანი”.

წყარო

სამცხე-ჯავახეთი: ცნობარი