საიდ ნური

მიმდინარე ცვლილება 14:45, 25 ივლისი 2024 მდგომარეობით

საიდ ნური

ნური საიდ – (არაბ. ‏نوري السعيد‎ 23 ოქტომბერი 1887 — 15 ივლისი 1958), ერაყელი სახელმწიფო და პოლიტიკური მოღვაწე, დიპლომატი (1922-58), ეკავა ერაყის პრემიერ-მინისტრის (1930-32, 1939-40, 1941-47, 1949, 1950-52, 1954-58), საგარეო საქმეთა მინისტრის (1933-36, 1940-41), სამხედრო მინისტრისა (1922-24. 1926-29, 1933-34, 1941-47, 1953-55) და შინაგან საქმეთა მინისტრის (1939-40, 1949, 1950-52) პოსტები.

საიდ ნური ატარებდა პრობრიტანელ პოლიტიკას. 1930 ინგლისთან დადო ხელშეკრულება, რომლითაც გაძლიერდა დიდი ბრიტანეთის გავლენა ერაყზე. მეორე მსოფლიო ომის დამთავრების შემდეგ მიისწრაფოდა სირიის, იორდანიისა და ერაყის გაერთიანებისაკენ ბრიტანეთის კონტროლის ქვეშ, იყო ცენტრალური ხელშეკრულების ორგანიზაციის შექმნის ერთ-ერთი ინიციატორი. 1958 წლის 14 ივლისს ეროვნულ-განმათავისუფლებელი რევოლუციის შედეგად მისი მთავრობა დაემხო, თვითონ საიდ ნური კი მოკლეს.

[რედაქტირება] წყარო

ქართული დიპლომატიური ლექსიკონი