ფუკუიამა ფრენსის
მ (მომხმარებელმა Tkenchoshvili გვერდი „ფუკუიამა ფრენსის“ გადაიტანა გვერდზე „ფრენსის ფუკუიამა“) |
მ (მომხმარებელმა Tkenchoshvili გვერდი „ფრენსის ფუკუიამა“ გადაიტანა გვერდზე „ფუკუიამა ფრენსის“ გადამ...) |
16:06, 23 სექტემბერი 2025-ის ვერსია
ფრენსის ფუკუიამა – (ინგლ. Yoshihiro Francis Fukuyama; დ. 27 ოქტომბერი, 1952, ჩიკაგო) — იაპონური წარმოშობის ამერიკელი ანალიტიკოსი და პოლიტოლოგი.
დაიბადა ჩიკაგოში, პროტესტანტი ღვთისმსახურის ოჯახში. სამეცნიერო მოღვაწეობის დაწყებამდე, ამერიკის სახელმწიფო დეპარტამენტის პოლიტიკური დაგეგმარების განყოფილებაში მუშაობდა. ამჟამად ჯონს ჰოპკინსის უნივერსიტეტში კითხულობს ლექციებს. ამ თავგამოდებულ რესპუბლიკელს, საერთაშორისო აღიარება მოუტანა სტატიამ „ისტორიის დასასრული?“ (1989), რომელიც მოგვიანებით მის ცნობილ წიგნად იქცა ― „ისტორიის დასასრული და უკანასკნელი ადამიანი“ (1992). ფუკუიამა მიიჩნევს რომ, ასე ვთქვათ, „იდეათა ისტორია“ ლიბერალური დემოკრატიის უპირატეს და საბოლოო მმართველობის ფორმად აღიარებისთანავე დასრულდა. თავის ორ მომდევნო ნაშრომში − „მრწამსი“ (Trust) და „დიადი ნგრევა“ (The Great Disruption) ფუკუიამა ეკონომიკურ განვითარებასა და საზოგადოებრივ სიმტკიცეს შორის ურთიერთკავშირს იკვლევს. მოგვიანებით, 2006 წელს გამოცემულ წიგნში „ნეოკონსერვატორთა შემდგომ“ მან მძაფრად გააკრიტიკა ამერიკის შეერთებული შტატების საგარეო პოლიტიკა II სექტემბრის ტერაქტის მომდევნო პერიოდში.
