თევზაძე დავით

15:16, 28 დეკემბერი 2017-ის ვერსია

თევზაძე დავით დავითის ძე - (დ. 1949), გენერალ-ლეიტენანტი (1998), საქართველოს თავდაცვის მინისტრი (1998-2004). დაამთავრა ივ. ჯავახიშვილის სახელობის თბილისის სახელმწიფო უნივერსიტეტის ფილოსოფიის ფაკულტეტი (1971), უცხო ენების ინსტიტუტი (1978), ფილოსოფიის დოქტორი, საქართველოს კარატეს ფედერაციის თანადამფუძნებელი და პირველი პრეზიდენტი (1989). მონაწილეობდა საქართველოს სამოქალაქო და აფხაზეთის ომებში (1992-93), საქართველოს პრეზიდენტის სამხედრო მრჩეველი (1997-98), 2004 წლიდან თადარიგშია.

წყარო

ქართული სამხედრო ენციკლოპედიური ლექსიკონი. აკადემიკოსის, გენერალ-მაიორ ელგუჯა მეძმარიაშვილის საერთო რედაქციით. თბილისი,2017