საზღვაო რუკა

17:02, 16 იანვარი 2018-ის ვერსია

საზღვაო რუკა – ზღვაოსნობის უზრუნველსაყოფად განკუთვნილი რუკა. არის სანავიგაციო, შიდა წყალსანაოსნო გზების ნავიგაციის, სამხედრო-საზღვაო ფლოტისათვის განკუთვნილი სპეციალური, დამხმარე და საცნობარო რუკები.

სანავიგაციო საზღვაო რუკა (საზღვაო რუკების ძირითადი ტიპი) განკუთვნილია ხომალდის მართვის სანავიგაციო ამოცანების გადასაწყვეტად.

სანავიგაციო საზღვაო რუკაზე აისახება:

• სანაპირო ხაზი შრობის ზოლით, ნაპირების სიღრმე, ფსკერის რელიეფი და სანავიგაციო საშიშროებები;
• სანავიგაციო მოწყობილობა – ფარვატერები;
• სანაოსნოდ აკრძალული რაიონები;
• ღუზაზე დგომის ადგილები;
• მონაცემები მაგნიტური გადახრის, დინების, ყინულოვანი რეჟიმის, ფსკერის გრუნტის შესახებ.

სანავიგაციო საზღვაო რუკებს განეკუთვნება:

1. ზოგადსანავიგაციო რუკები:

ა. გენერალური (მასშტაბი 1:1000000 – 1:5000000. ზოგადად წინასწარ შეისწავლის ნაოსნობის რაიონს, ხომალდის გზას და ნაპირიდან მნიშვნელოვანი დაშორებით მის გაყვანას);

ბ. საგზაო (მასშტაბი 1:1000000 – 1:5000000, სამხედრო-საზღვაო ფლოტის საქმიანობისა და ზოგადი ზღვაოსნობის უზრუნველსაყოფად მსოფლიო ოკეანის ღია და სანაპირო რაიონებში);

გ. კერძო (მასშტაბი 1:25000–1:75000, განსაკუთრებით რთული სანავიგაციო პირობების რაიონებსა და ბაზირების რაიონებში ხომალდის მართვის უზრუნველსაყოფად);

დ. გეგმები (მასშტაბი 1:500–1:25000, ბაზირების ადგილებში ხომალდების და გემების შესასვლელად და გადასაადგილებლად);

2. რადიონავიგაციური და სანავიგაციო-ჰიდროაკუსტიკური;

3. სანავიგაციო-სარეწი რუკები.

შიდასანაოსნო გზების სანავიგაციო რუკები იყოფა:

1. გემსანაოსნო ტბების და მდინარეების შესართავთან სანავიგაციო უბნების;

2. სანავიგაციო-სამდინარო;

3. ლოცმანის სამდინარო რუკებად.

სამხედრო-საზღვაო ძალებისთვის განკუთვნილი სპეციალური რუკებია:

1. მიმოხილვითი და მიმოხილვით-გეოგრაფიული;

2. ზღვის ფსკერის გრუნტების;

3. გეოფიზიკურ – საზღვაო;

4. ეკრანული ოპერატორების პლანშეტებისათვის;

5. რუკები პელენგების და დისტანციების ბადეებით და სხვა.

საზღვაო დამხმარე და საცნობარო რუკებს განეკუთვნება:

1. რუკა-ბადეები;

2. რუკები ორთოდრომიების გასაყვანად;

3. რუკები სამაშველო საშუალებებისათვის;

4. საზღვაო ბლანკრუკები;

5. საათის სარტყლების რუკები.

წყარო

ქართული სამხედრო ენციკლოპედიური ლექსიკონი. აკადემიკოსის, გენერალ-მაიორ ელგუჯა მეძმარიაშვილის საერთო რედაქციით, – თბილისი2017