ხახვისთავა

15:59, 1 ოქტომბერი 2019-ის ვერსია

ხახვისთავა

ხახვისთავა - (Grossheimia macrocephala [Muss. Puschk. Ex Willd.] Sosn. & Takht.); ოჯახი: რთულყვავილოვნები (Asteraceae). მრავალწლიანი ბალახოვანი მცენარეა, სიმაღლე – 60-100 სმ. სწორი, მსხვილი, მარტივი ან დატოტვილი ღეროთი. თხლად არის შებუსული ხუჭუჭა ბეწვით. ქვედა ფოთლები ფართო-ლანცეტა ფორმისაა, ყუნწად წარზიდული. ღეროსეული ფოთლები მჯდომარეა. ყველა ფოთოლი კიდეებზე ამოღრღნილ-დაკბილულია. კალათები სფერო სებურ-კონუსისებურია, კენწრული, მარტოული, კალათის ძირში ღერო გამსხვილებულია. ყვავილედი კაშკაშა ყვი თელი ან მოყვითალო-ყავისფერია. ყვ. ნაყ. VII-IX. გვარი Grossheimia კავკასიის ენდემური გვარია. მცენარე იზრდება ტყის ზედა და სუბალპურ სარტყლებში, მდელოებზე, მაღალ ბალახეულობაში. კახეთში მისი ნახვა შესაძლებელია ლაგოდეხის დაცულ ტერიტორიაზე. საქართველოში გვხვდება სპორადულად.

წყარო

კახეთის რეგიონის მცენარეები