გოგიტიძე სიმონ

19:37, 18 იანვარი 2019-ის ვერსია

გოგიტიძე სიმონ კონსტანტინეს ძე (1872, სოფ. ჭალა, ოზურგეთის მაზრ. - 1927, თბილისი) - საქართველოში მეცნიერული პედიატრიის ფუძემდებელი.

ბიოგრაფია

1897 დაამთავრა კიევის უნივერსიტეტის სამედიცინო ფაკულტეტი, 1904 მონაწილეობდა რუსეთ-იაპონიის ომში,1904 გახდა მედიცინის მეცნიერებათა დოქტორი, 1909 წლიდან - კიევის უნივერსიტეტის პედიატრიის კათედრის პრივატ-დოცენტი, 1912 წლიდან - პროფესორი და ნოვოროსიის უნივერსიტეტის პედიატრიის კათედრის გამგე. 1919 წლის 13 ნოემბერს თბილისის სახელმწიფო უნივერსიტეტის პროფესორთა საბჭომ ოდესის უნივერსიტეტის პროფესორი ს. გოგიტიძე ერთხმად აირჩია ბავშვთა კლინიკის კათედრის გამგედ.

მანანა ლილუაშვილი

ლიტერატურა

პ. ნანეიშვილი, „ს. გოგიტიძე, როგორც პედაგოგი”; ჟურ. „თანამედროვე მედიცინა”, 1927 წ., N3-N4;

წყარო

საქართველოს დემოკრატიული რესპუბლიკა (1918-1921) ენციკლოპედია-ლექსიკონი

იხილე აგრეთვე

სიმონ გოგიტიძე