ხელთუფლიშვილი დავით

22:23, 28 იანვარი 2019-ის ვერსია

ხელთუფლიშვილი დავით ბესარიონის ძე (დ. - 185?. - გ. - 1921) - ქართველი პოლიტიკური და საზოგადო მოღვაწე.

საქართველოს დემოკრატიული რესპუბლიკის სენატის (უმაღლესი სააპელაციო პალატა - უზენაესი სასამართლო) თავმჯდომარე (1919-1921). იურიდიულ მეცნიერებათა კანდიდატი. უმაღლესი იურიდიული განათლება მიიღო პეტერბურგის უნივერსიტეტში. წლების განმავლობაში იყო ქუთაისის ნაფიცვექილთა კორპორაციის წევრი. 1919 წლის 7 ოქტომბერს დამფუძნებელმა კრებამ საქართველოს სენატის თავმჯდომარედ აირჩია.

გარდაიცვალა 1921 წლის იანვარში. ქართულმა საზოგადოებამ და პრესამ პატივი მიაგო, როგორც უაღრესად პატიოსან და პროფესიონალ პიროვნებას. დაკრძალულია დიდუბის პანთეონში. სხვა ბიოგრაფიული მონაცემები უცნობია.

ბონდო კუპატაძე

ლიტერატურა

ბ. ქანთარია, საქართველოს უზენაესი სასამართლოს სათავეებთან (1919-1921). თბ., 2004.

იხილე აგრეთვე

დავით ხელთუფლიშვილი

წყარო

საქართველოს დემოკრატიული რესპუბლიკა (1918-1921) ენციკლოპედია-ლექსიკონი